Donostiako Kontakt Inprobisazio ekimenak gabonetarako 4 kontakt jam segida bat antolatu du Errenderiko Dantzagunean. Abenduak 26, 27, 29 eta 30 egunetan arratsaldeko 16:00etatik 20:00rak arte iraungo dutenak. Hasieran sarrera modura, beroketa gidatu bat egingo da gorputzak martxan jartzearren eta jarraian jam irekia izango da.
Iristeko orduan puntualitatea eskatzen da Dantzaguneko atea itxiko bait da. Informazio gehiago behar izan ezkero Facebook ekitaldi bat ireki dute antolatzaileen informazioa eskuratu dezakezularik.
Gabonetako kontakt jam hauek, Donostian antolatzen diren hileko jamen izaera izango dute, horregatik izango du hasieran eskeintzen den beroketa sarrera gidatua. Gainera jam hauetan ohizkoa izaten den bezala, ez da inolako kontakt inprobisazio edo dantza esperientziarik behar bertan parte hartzeko. Bakoitza bere gorputzaren erantzule egingo da eta bai zure eta gainontzeko parte hartzaileenganako errespetu osoa eskatuko da, noski.
Badira pare bat urte Donostiako hileko jametan parte hartzen egon naizela. Aurtengo 2016-2017 ikas-urtean hilean 2 jam saio egiten hasi eta gero, gabonak zirela medio, abendua eta urtarrila jam bakar batekin geratu dira antolatuta, horregatik eskertzekoa da benetan gabonetan horrelako jam segida bat antolatu izana, jam mugida ez geratzearren.
Pertsonalki Donostiako kontakt inprobisazio jam hauetan parte hartzeak onura dexente ekarri dizkit, bai gorputzaren tonua mantetzearren eta bai nire dantza eta gorputz esperientzia dexente hedatzen lagundu didalako. Dena dela, kontakt inprobisazioa zer den eta zein onura izan ditzazkeen azaltzeko beste artikulutan edo azaldu beharko dut. Kontakt inprobisazioa praktikatzen ditudan esperientziak izan bait dira blog hau idaztera bultzatu nauten arrazoietako bat eta.
Hortaz, nire aldetik, gabonetako jam saio hauetan parte hartzera gonbidatzea bakarrik geratzen zait. Nik dagoeneko egutegira gehitu dut eta zuk?. Iruzkinetan kontakt jametan izan dituzun zure esperientziak partekatzera ere gonbidatzen zaitut.
Loturak
- Kontakt Inprobisazioa Donostia: facebook.com/groups/kontaktdonostia/
- Gabonetako Kontakt Inprobisazio Jamak: facebook.com/events/1112981555486425
- Dantzagunea: dantzagunea.gipuzkoakultura.net